minifundio

Vilariño de Conso/Condado

Cóntochos un por un, meus pensamentos, antes de abrires os teus ollos, antes que podas pasear en panorámica sobre eles, sobre o lugar que ocupa cada un deles dentro do plano xeral que me pertence; descríboche o debuxo das voltas que dou facéndome de anacos de tenrura, comprensión, amor, dozura, amistade, humor, paixón… o minifundio de sensacións conectadas por fíos, corredoiras, camiños e regatos… todo o que, acoutando o meu espazo, vai compondo as reviravoltas do meu cerebro, que non se amoldan convinte-mente a tanta concentración parcelaria…