espello

 
Salamanca/Condado

Ela vese no espello do escaparate. El ri dende dentro, sen que ela o poda ver, dos xestos e das caras que compón fronte o espello. Dende o outro lado da rúa alguén cruza apresurado e vai directamente ao bolso, ela non o solta e berra, el achégase ao cristal e o golpea insistentemente, o ladrón saca unha navalla e a pincha tres veces seguidas no ventre, ela solta o bolso e vai caendo a modo contra da ventá mentres o ladrón fuxe cruzando de novo a rúa. Dende dentro, pegadas as mans no cristal, él, atónito, observando a realidade, sen reflexos para saír ou para algo, deixando esvarar as mans polo cristal por onde esvaran as mans dela...