puzzle

Chegaron 28.000 ducumentos dende a Cruz Vermella de Suiza. Son de cando o golpe de estado contra a república -o que produxo a guerra civil en España. Virán máis. Aos poucos vamos recompoñendo o pasado. Entendéndonos. A miña aboa espera vivir para poder atoparse entre esas fotos. A min pásame o mesmo. Véxome entre todo o publicado, en cada fotografía, son o fotógrafo e a foto, entregado, sendo parte, participando… nunca entenderei aos tertulianos da obxectividade… cecais a foto obxectiva é a tirada dende un avión… pero, dende que avión?… Cando falan de obxectividade me recordan aos que presumen de ser apolíticos no meu país… Todos votan á dereita, claro, e ademáis, de paso, enmerdan, obxectivamente, á política, ao contrapoñela á súa actitude, "tan honesta"… País!… Recordo facer puzzles de cen, mil, cinco mil e o último que fixeron dous amigos para apaciguar tamén seu tempo e curarse dunha perda moi especial: 30.000 pezas… Non sei se daremos feito…